ADA Universiteti Qazax Mərkəzində Ümummilli Liderin xatirəsi yad edilib
ADA Universiteti Qazax Mərkəzində/Qazax Müəllimlər Seminariyasında Ümummilli Lider Heydər Əliyevin Anım Gününə həsr olunmuş tədbir təşkil edilib. Tədbirdə seminariyada təhsil alan tələbələr, “Bir Müəllimin Manifesti” təhsil proqramının iştirakçıları, eləcə də Qazax və ətraf rayonlardan olan məktəblilər iştirak ediblər.
ADA Universitetinin prorektoru, Qazax Müəllimlər Seminariyasının İdarə Heyətinin üzvü Vəfa Kazdal, açılış nitqi ilə çıxış edərək burada təqdim edilən azərbaycandilli ixtisaslar barədə məlumat vermişdir. Seminariyanın müasir çoxşaxəli fəaliyyət istiqamətlərinə toxunarkən Vəfa Kazdal vurğulayıb ki, burada təhsil alan tələbələr, Mərkəzdə təqdim edilən proqramlarda iştirak etməklə peşəkar bacarığını artıran müəllimlər ənənə və dəyərlərimizin keşiyində duranlardır.
II katibi Ramiz Hacızadə və Azər Qəribin çıxışı
Ölkəmizin Gürcüstandakı səfirliyinin II katibi Ramiz Hacızadə, soydaşlarımız üçün Azərbaycanın Dövlət Neft Şirkəti tərəfindən maliyyələşdirilən təhsil-təqaüd proqramından, ADA Universitetində təklif olunan proqramların Gürcüstanda təbliğindən bəhs edib.
Səyyah Azər Qəribin “Bir Səfərin İzi ilə – İtaliya” filminin nümayişi tədbir çərçivəsində baş tutmuşdur. Film Ümummilli Liderin İtaliyaya rəsmi səfərinin qeyri-rəsmi tərəflərini əks etdirir.
Xəyalə Mustafayevanın rəsm sərgisi
Azərbaycanın Gürcüstandakı səfirliyinin dəstəyi ilə soydaşımız həvəskar rəssam, Qazax Müəllimlər Seminariyasının Təlim və Tədrisin təşkili üzrə magistratura proqramının tələbəsi Xəyalə Mustafayevanın Ümummilli Lider Heydər Əliyevə həsr olunmuş “Tarix Yazan İmza” mövzusunda rəsm sərgisi keçirilmişdir.
